📌 સામાન્ય પ્રવેશ માહિતી

ગજેરા વિદ્યાભવનના દરેક વિભાગોમાં ખાલી જગ્યાના આધારે કોઈપણ પ્રકારના નાત-જાત, ધર્મ કે અન્ય ભેદભાવ વગર સમાજના તમામ વર્ગના વિદ્યાર્થીઓને પ્રવેશ આપવામાં આવે છે.

👶 પૂર્વ-પ્રાથમિક વિભાગ

શૈક્ષણિક વર્ષ ૨૦૨૬–૨૭ માટે ગુજરાતી માધ્યમ, અંગ્રેજી માધ્યમ તથા CBSE ના પૂર્વ-પ્રાથમિક વિભાગમાં પ્રવેશ શરૂ થઈ ગયા છે. પ્રવેશ મેળવવા ઇચ્છુક વાલીઓએ ગજેરા ફાર્મ સ્કૂલ ખાતે સંપર્ક કરવો.

📄 પૂર્વ-પ્રાથમિક માટે જરૂરી દસ્તાવેજો

પ્રવેશ સમયે નીચે દર્શાવેલા તમામ ઓરિજિનલ દસ્તાવેજો તથા તેમની ઝેરોક્ષ સાથે લાવવા વિનંતી.

🏫 પ્રાથમિક વિભાગ

ધોરણ – ૧ માં પ્રવેશ

અમારી શાળામાં બાલવાટિકામાં અભ્યાસ કરતા વિદ્યાર્થીઓને વાર્ષિક પરિણામ જાહેર થયાના ૩ દિવસની અંદર પ્રવેશ ફોર્મ તથા વાર્ષિક ફી ભરી ધોરણ-૧માં પ્રવેશ મેળવવાનો રહેશે.

અમારા વિદ્યાર્થીઓને પ્રવેશ આપ્યા બાદ જો બેઠકો ખાલી રહે તો અન્ય શાળાના વિદ્યાર્થીઓને એપ્રિલ મહિનામાં પ્રવેશ આપવામાં આવે છે. અમારા વિદ્યાર્થીઓના સગા ભાઈ-બહેનને પ્રથમ પ્રાથમિકતા આપવામાં આવે છે.

ધોરણ ૨ થી ૮ માં પ્રવેશ

સૌપ્રથમ અમારી એક શાખામાંથી બીજી શાખામાં બદલી કરાવતા વિદ્યાર્થીઓને પ્રવેશ આપવામાં આવે છે. ત્યારબાદ ખાલી બેઠકો હોય તો લેખિત પરીક્ષા તથા મેરીટના આધારે પ્રવેશ આપવામાં આવે છે.

🎓 માધ્યમિક અને ઉચ્ચતર માધ્યમિક વિભાગ

ધોરણ – ૯ માં પ્રવેશ

સૌપ્રથમ અમારી સંલગ્ન પ્રાથમિક શાળામાં અભ્યાસ કરતા ધોરણ-૮ના વિદ્યાર્થીઓને પ્રવેશ આપવામાં આવે છે. ત્યારબાદ જો બેઠકો ખાલી રહે તો અન્ય શાળાના વિદ્યાર્થીઓને વાર્ષિક પરિણામ અને પ્રવેશ પરીક્ષાના મેરીટ આધારે પ્રવેશ આપવામાં આવે છે.

ધોરણ – ૧૧ (વિજ્ઞાન તથા વાણિજ્ય પ્રવાહ)

ધોરણ-૧૧ (વિજ્ઞાન અને વાણિજ્ય પ્રવાહ)માં પ્રવેશ જિલ્લા શિક્ષણાધિકારીશ્રીના નિયમો મુજબ આપવામાં આવે છે. ગુજરાત બોર્ડની ધોરણ-૧૦ની જાહેર પરીક્ષાનું પરિણામ જાહેર થયાના બીજા દિવસથી પ્રવેશ પ્રક્રિયા શરૂ થાય છે.

ધોરણ – ૧૦ અને ૧૨

ધોરણ-૯માંથી ૧૦ તથા ધોરણ-૧૧માંથી ૧૨માં આવતા વિદ્યાર્થીઓની સંખ્યાને કારણે સામાન્ય રીતે નવી પ્રવેશ પ્રક્રિયા ઉપલબ્ધ રહેતી નથી.

જો બેઠકો ઉપલબ્ધ હોય તો અગાઉના વર્ષના પરિણામ તથા પ્રવેશ પરીક્ષાના દેખાવ આધારે પ્રવેશ આપવામાં આવે છે.