“ તંદુરસ્ત શરીરમાં તંદુરસ્ત મન નો વિકાસ થાય છે. ”

વિશ્વ આખાએ શારીરિક તંદુરસ્તીને સ્વીકૃતિ આપી છે. સૌ માને છે કે માનસિક ક્ષમતા વધારવી હશે તો શરીરનો પણ એટલો જ ખ્યાલ રાખવો પડશે. શરીરની કાળજી રાખવાનું અન્ય એક કારણ એ પણ છે કે વિશ્વનું કોઈપણ પ્રકારનું સુખ ભોગવવું હોય તો પ્રાથમિક જરૂરિયાત નિરોગી શરીર જ છે.

આપણે બધા ઉપરની બાબતનો સ્વીકાર કરીએ છીએ તેમ છતાં કમ નસીબે અત્યારના સમયમાં શરીરની જેટલી કાળજી રાખવી જોઈએ એટલી રાખતા નથી. રમત-ગમત એ શરીર શૈષ્ઠવ જાળવણી માટેનું ઉત્તમ પાસું છે. એક જમાનો હતો જયારે ગામ-શેરી-મહોલ્લા ના યુવાનોને શોધવા હોય તો રમતનાં મેદાન પર જવું પડતું આજે બાળકો ટી.વી.,મોબાઈલ અને ઈન્ટરનેટ માં એવા ગુંથાયા છે કે શારીરિક શ્રમનો મહિમા જ ભુલતા જાય છે.

એક સ્પોર્ટસ ડાયરેક્ટર તરીકે મારી અને એક વાલી તરીકે તમારી ફરજ છે કે આપણે આપણા બાળકોને પાછા રમતના મેદાન તરફ વાળીએ.