ગજેરા વિદ્યાભવન કતારગામની વિદ્યાર્થીઓનું NCC કેમ્પમાં પ્રસ્થાન

ગજેરા વિદ્યાભવન કતારગામની વિદ્યાર્થીનીઓ 6 ગર્લ્સ બટાલીયને આજ રોજ રાજપીપળા NCC ની ટ્રેનિંગ માટે પ્રસ્થાન કર્યું છે જેમાં NCC ની બીજા વર્ષની 23 વિદ્યાર્થીનીઓ આ 10 દિવસનાં કેમ્પમાં વિવિધ ટ્રેનિંગ મેળવશે અને 10 દિવસ સુધી પોતાનાં ઘરથી દૂર રહીને તમામ પ્રકારનાં કામો જાતે કરશે અને તમામ પરિસ્થિતિઓનો સામનો કરવાની તાલીમ મેળવશે સાથે સાથે NCC માં આવતી વિવિધ તાલીમ અને સ્પર્ધાઓ કરશે જેમાં બેસ્ટ દેખાવ કરે તેવી શુભેચ્છાઓ. શાળાનાં NCC શિક્ષિકા યામિનીબેન પટેલનાં નેતૃત્વ હેઠળ તા.04-08-2023 થી 13-08-2023 સુધી તાલીમ લઈને શાળામાં વિવિધ કાર્યક્રમોમાં પણ શિસ્તથી માંડીને કાર્યક્રમનાં સંચાલન અંગેની તાલીમ પણ મેળવશે જેથી બાળકોને તેનો લાભ મળી શકશે. આમ, આ કેમ્પમાં જવા બદલ શાળાનાં આચાર્યશ્રી તથા ટ્રસ્ટીશ્રી ચુનીભાઈ ગજેરાએ શુભેચ્છાઓ પાઠવી હતી.