ખેલમહાકુંભ 2.0 માં સમગ્ર ગુજરાત રાજ્યમાં ગજેરા વિધાભવન પ્રથમ નંબરે.

તા-4/1/2025 ના રોજ મુખ્યમંત્રી શ્રી ભૂપેન્દ્રભાઈ પટેલના વરદ હસ્તે ખેલ મહાકુંભ 3.0 નો શુભારંભ સમારોહ શનિવારના રોજ રાજકોટ ખાતે એથ્લેટિક્સ ટ્રેક,  સૌરાષ્ટ્ર યુનિવર્સીટી ખાતે યોજાયો હતો.  ગત વર્ષ ખેલ મહાકુંભ 2.0 માં ગુજરાત રાજ્યમાં કુલ 71 લાખ વિદ્યાર્થીઓએ ભાગ લીધો હતો જેમાંથી ગજેરા વિદ્યાભવન કતારગામના વિદ્યાર્થીઓએ 402 પોઈન્ટ સાથે સમગ્ર ગુજરાત રાજ્યમાં પ્રથમ ક્રમ મેળવી ગજેરા વિદ્યાભવન કતારગામ શાળાને સમગ્ર ગુજરાત રાજ્યની શ્રેષ્ઠ શાળાનો અવોર્ડ મુખ્યમંત્રીશ્રી ભૂપેન્દ્રભાઈ પટેલના વરદ હસ્તે આપવામાં આવ્યો હતો સાથે સાથે 5 લાખનો રોકડ પુરસ્કાર અને ટ્રોફિથી સન્માનિત કરવામાં આવ્યા હતા. ગજેરા વિદ્યાભવન સમગ્ર ગુજરાત રાજ્યની શ્રેષ્ઠ શાળાની સાથે સાથે ગજેરા વિદ્યાભવન કતારગામ સુરત જિલ્લામાં પ્રથમ અને ગજેરા વિદ્યાભવન ઉત્રાણ સુરત જિલ્લામાં બીજો નંબર મેળવી ખેલ મહાકુંભમાં ડંકો વગાડયો હતો. આ શ્રેષ્ઠ સિધ્ધિ બદલ શાળાના ટ્રસ્ટીશ્રી ચુનીભાઈ ગજેરાએ આ રમતવીરોને ખુબ ખુબ અભિનંદન પાઠવ્યા હતા.